Wie verjaar?!
Ding hou van talent so rou soos ‘n gapende, bloeiende wond.
Ding had die voorreg om blad te skud met ‘n jongman met ‘n verskil: hy loop tree vir tree in sy talent (en dis NIE net sy pragtige vrou nie ) se skaduwee.
En DIT is waarvan Ding hou – dat sy talent groter is as hy.
Pietpyl, mag jy ‘n onvergeetlike verjaarsdag hê; mag jou ryk stem jou talent volg soos jou voetspore doen. Mag jou gedagtes suiwer bly soos jou oortuiginge. Mag jy altyd die koning van jou kraal bly, want jy het dit reeds alles. Bly getrou aan jouself.
Hier’s hy (Pietpyl, dankie vir Ouding se geskenk – vandag deel Ding hierdie met die res van die stoep):
MAAR DIS NIE AL NIE!
Ding deel verder:
Pietpyl het hierdie jaar maar een show, sy verjaarsdag ene, in Pretoria. En Ding gee vandag kaartjies weg. Min, maar darem.
Die show is Saterdagaand, 9 Mei 2009 in Pretoria. Sitplekke is uiters beperk – nie die grootte daarvan nie, maar die hoeveelheid
Wil jy gaan? Ding wil! Nie net om na Piet te luister en daai meesterlike kitaarspel en rooiwyn-beleë stem van hom te hoor nie … maar VERAL om na drie songs te luister: Fluister soos net die skepper daarvan dit kan sing; om hopelik weer Mariëtte se Wals te hoor. En ja…
Om die song te hoor wat ligjare mooier is as Fluister en Mariëtte. ‘n Nuwe ene. En dis die mooiste ooit. Nie net omdat dit mooiste van mooi is nie, dit IS, maar veral omdat ‘n voshaarnooi dit saam met Piet gaan sing. En daardie voshaarnooi maak nie net die mooiste header in Rebel se deur op die stoep nie … daardie voshaarnooi se stem is die klank van winterverlange. Dit dring deur manman se vel en are en loop skeur tyd se onthou los uit manman se innerste en roer verlange in manman se bloed; neem manman se diepste seer uit manman se diepste binneste en laat dit vry deur spore op manman se wange. Jipja, daai voshaarnooi mag maar kan sing.
Tierietiertier, Ouding sal daar wees en Ouding sal jou kyk en jou luister. Mag dit Saterdagaand vir jou die mooiste, moo
